თბილისის დროით 14 ივნისს, გამთენიისას, NBA-ს პლეი ოფის ფინალური სერიის მეხუთე შეხვედრა გაიმართა. 

ოკლენდში, "Oracle Arena"-ზე "გოლდენ სტეიტ უორიორზმა" "კლივლენდ კავალიერზი" მიიღო და ანგარიშით 97:112 (32:29, 29:32, 23:32, 13:19) დამარცხდა, რითაც გაჩემპიონების შანსი დაკარგა - სერიაში ანგარიში 3:2 გახდა.

აღსანიშნავია, რომ გამარჯვებულთა შორის 82 ქულა ლებრონ ჯეიმსმა და კაირი ირვინგმა (41-41) მოიპოვეს. ჯეიმსი ასევე 16 მოხსნით, 7 პასით, 3 ჩაჭრითა და 3 დაფარებით გამოირჩა. მასპინძელთა რიგებში, რომლებსაც დისკვალიფიცირებულიდრეიმონდ გრინი აკლდათ, ყველაზე აქტიური კლეი ტომპსონი იყო (37 ქულა).

ფინალური სერიის მეექვსე დაპირისპირება კლივლენდში, თბილისის დროით 17 ივნისს, გამთენიისას გაიმართება. "გოლდენ სტეიტს" ზედიზედ მეორე ჩემპიონობამდე ერთი გამარჯვება აკლია.