Ni, Breizhiz a galon, karomp hor gwir vro!
Brudet eo an Arvor dre ar bed tro-dro.
Dispont 'kreiz ar brezel, hon tadoù ken mat,
A skuilhas eviti o gwad.

   O Breizh, ma bro, me 'gar ma bro.
   Tra ma vo mor 'vel mur 'n he zro,
   Ra vezo digabestr ma bro! 

Breizh, douar ar sent kozh, douar ar varzhed,
N'eus bro all a garan kement 'barzh ar bed.
Pep menez, pep traoñienn d'am c'halon zo ker,
Eno 'kousk meur a Vreizhad taer!

   O Breizh, ma bro, me 'gar ma bro.
   Tra ma vo mor 'vel mur 'n he zro,
   Ra vezo digabestr ma bro! 
Ar Vretoned 'zo tud kalet ha kreñv.
N'eus pobl ken kalonek a-zindan an neñv.
Gwerz trist, son dudius a ziwan enno.
O! pegen kaer ez out, ma bro!

   O Breizh, ma bro, me 'gar ma bro.
   Tra ma vo mor 'vel mur 'n he zro,
   Ra vezo digabestr ma bro! 


Mard eo bet trec'het Breizh er brezelioù bras,
He yezh a zo bepred ken bev ha biskoazh,
He c'halon virvidik a lamm c'hoazh 'n he c'hreiz.
Dihunet out bremañ, ma Breizh!